DAKBAYAN SA DAVAO, Pilipinas –— Nagpagawas na og kamanduan si Presidente Ferdinand “Bongbong” Marcos nga patas-an ang suholan ug paghatag og dugang allowance sa mga trabahante sa gobyerno.
Niadtong Sabado, Agosto 4, gitaho sa Presidential Communications Office (PCO)
Nga gipirmahan na ni Executive Secretary Lucas Bersamin ang Executive Order (EO) 64, niadtong Agosto 2 pinaagi sa awtoridad ni Marcos, ug kuni pagmantala sa Official Gazette o usa ka mantalaan sa kinatibuk-ang sirkulasyon.
“Tungod sa nag-una nga kahimtang sa ekonomiya, lakip ang pag-us-os sa gahum sa pagpalit tungod sa inflation, kinahanglan nga i-update ang mga sweldo ug mga benepisyo sa mga kawani sa gobyerno aron mapadayon ang usa ka takus, pasalig, abtik, ug himsog nga mga trabahante, sa ingon nagpasiugda sa hustisya sa katilingban, integridad, kahusayan, pagkamay-tulubagon, ug pagkamaayo, ug sa katapusan paghubad ngadto sa dugang nga produktibidad ug mas taas nga kalidad nga serbisyo publiko,” matud pa ni Marcos.
Katapusang na-adjust ang sweldo sa mga trabahante sa gobyerno niadtong 2023, dihang nahuman ang ikaupat ug katapusang tranche sa modified salary schedule gikan sa 2019 Salary Standardization Law, sumala sa EO.
Ang PCO nagkanayon nga ang updated nga eskedyul sa suweldo sa EO 64 “magamit sa tanang sibilyan nga kawani sa gobyerno sa ehekutibo, lehislatibo ug hudisyal nga mga sanga; mga komisyon sa konstitusyon ug uban pang mga opisina sa konstitusyon.”
Apil usab niini ang government-owned or controlled corporations (GOCCs) nga wala maapil ubos sa Republic Act 10149, o ang “GOCC Governance Act of 2011,” ug EO 150 (s.2021), ingon man ang local government units.
Ang implementasyon sa updated nga schedule sa sweldo himoun sa upat ka hugna alang sa National Government Agencies (NGAs):
-unang hatag: Enero 1, 2024
-ikaduhang hugna: Enero 1, 2025
-ikatulo nga hugna: Enero 1, 2026
-ikaupat nga trance: Enero 1, 2027
Ang EO miepekto sa subay sa kamanduan, nga naghimo sa unang tranche nga epektibo sa Enero 1, 2024.
Mohatag usab og medical allowance nga P7,000 kada tuig ang madawat sa mga kwalipikadong kawani sa gobyerno aron suportahan ang ilang mga benepisyo sa health maintenance organization (HMO).
Ang Departament of Budget and Management ang responsable sa pag-isyu sa mga giya sa pagpatuman sa mga piho nga probisyon sa EO 64.
The post Marcos nagmandu nga patas-an ang suholan sa mga empleyado sa gobierno ug dugang benepisyo appeared first on NewsLine Philippines.
Marcos nagmandu nga patas-an ang suholan sa mga empleyado sa gobierno ug dugang benepisyo
Newspaper Updates PH
0 comentários :
Post a Comment