DAKBAYAN SA DAVAO, Pilipinas –— Misaad ang Department of Agriculture (DA) posibling makabaligya na og tag P29 matag kilo nga bugas sa Visayas ug Mindanao karong umaabot nga bulan sa Agosto ug Septiembre.
“Ang among tumong mao ang pagpalapad sa gidaghanon sa mga sentro sa Kadiwa nga nagtanyag ug P29 nga bugas sa umaabot nga mga semana ug palapdan kini ang pagpamaligya sa Visayas ug Mindanao sa ulahing bahin sa Agosto o sayong bahin sa Septiyembre, sa pakigtambayayong sa mga local government units, mga kooperatiba sa mga mag-uuma, ug mga pribadong negosyo,” Matud pa ni Agriculture Secretary Francisco Tiu Laurel Jr.
Niadtong Biyernes sa buntag, Hulyo 5, dungan nga gilusad sa DA ang halapd ang pagbaligya sa pondo nga bugas sa National Food Authority (NFA) sa P29 matag kilo sa 10 ka Kadiwa sites sa Metro Manila ug Bulacan.
Ang mga benepisyaryo sa tag P29 nga bukas mao ang mga benepisyo sa 4P’s, senior citizens, PWDs, ug solo parents.
“Akong gipaabot ang akong kinasingkasing nga pasalamat sa tanan nga walay kakapoy nga nagpahinungod sa ilang kaugalingon sa malampuson nga paglusad sa dinagkong pagsulay sa P29 Rice Program,” matud ni Tiu Laurel.
“Gikan sa among walay kakapoy nga team sa DA, ngadto sa mga kooperatiba ug asosasyon sa mga mag-uuma, ngadto sa dili hinakog nga militar ug kapulisan nga miboluntaryo sa ilang mga paningkamot aron maseguro nga ang barato nga bugas makaabot sa among mga sentro sa KADIWA ug huyang nga mga panimalay, inyong gipakita ang tinuod nga diwa sa Bayanihan—ang pagtuo nga ‘Kami’ mas labaw pa kay sa ‘Ako’. Daghang Salamat,” matod sa kalihim.
Ang dinaghan nga pagtesting sa tag P29 Rice Program gitumong sa pagtigom og mga datos isip pagpangandam sa programa sa tibuok nasod.
“Dugang pa sa P29 nga bugas, ang DA ug ang iyang mga kaabag nga ahensya ug mga korporasyon aktibong nagpalambo sa mga plano sa paghimo sa maayong pagkagaling nga bugas nga magamit sa publiko pinaagi sa mga sentro sa KADIWA sa mga presyo nga mas ubos kaysa naglungtad nga presyo sa merkado,” ingon niya.
The post Tag-P29/kilo nga bugas mabaligya na sa Visayas, Mindanao sa Agosto ug Septiembre appeared first on NewsLine Philippines.
Tag-P29/kilo nga bugas mabaligya na sa Visayas, Mindanao sa Agosto ug Septiembre
Newspaper Updates PH
0 comentários :
Post a Comment