DAKBAYAN SA DAVAO, Pilipinas-— Daghan ang nakurat sa gibutyag sa hepe sa National Economic Development Authority (NEDA) nga ang matag pamilya nga dunay lima ka sakop mogasto og P9,681 kada bulan kon P64 pesos lang matag adlaw sa ilang kaon.
Atul sa pagdungog sa Senado s niadtong Agosto 13, gisaysay ni NEDA Secretary Arsenio Balasican nga baleg P64 ang gastohon matag tawo sa 3 ka pagkaon sa usa ka adlaw ug gikonsidera kini nga pagkaon sa kabus.
Ang nahisgutang gasto, mao ang nakita sa NEDA niadtong tuig 2023, sumala ni Balasican. Gipasabot ni Balasican nga ang sukdanan sa kapobrehon base gihatag nga taho sa Department of Health ug sa National Food and Nutrition Council.
Gibutyag niining nga sa ilang nakita “P55 kada tawo ang gasto sa pagkaon kada adlaw sukad niadtong tuig 2021”.
Si Balasican miingon nga ang kantidad gilauman nga mosaka ngadto sa P67 sa tuig 2025, sumala ni Balisacan.
Gipasabot sa kadagkoan sa NEDA nga nag-usab-usab lang sila sa sukdanan base sa presyo sa palaliton, ug ilang gina-monitor kung epektibo ba ang mga polisiya sa gobyerno alang sa mga kabus.
Sumala sa NEDA ilang ginabantayan ang sukdanan sa kakabus aron makonhuran ang gidaghanon sa pamilyang naglisod kon kabos.
Apan, ang gisaysay ni Balasican, nakapakurat sa mga senador nga nag-aghat sa NEDA nga balim lantawon ang ilang palisiya kay murag dili kini haum sa sitwasyon.
Sumala ni Senador Grace Poe, dunay mga butang nga wala mabag-o, apan adunay pipila ka mga butang nga kinahanglan nga i-adjust tungod kay kung imong kwentahon ang mga basehan sa kakabus karaan na ug dili na haum sa kasamtangang kahimtang.
“Dili tinoud nang inyong ginaingon nga P20 pesos ang gasto kada kaon sa matag tawo,” Dugang ni Senador Poe.
Sumala ni Balasican ilang lantawon ang ilang basehan.
Si Balisacan miingon nga ang pagduaw pag-usab sa matag kan-anan ug sa pagkaon nga anaa sa mga lamesa maoy nahimong basehan sa ilang gibungat nga P64 pesos.
“Posible nang iyang presyo nga P64 kung among isud-an gikan pamahaw hangtud panihapon sinabaw nga tinapa ug Odong, kay ang tinapa P24 butangan og daghang sabaw unya pikas pikason ang gamay nga unod sa tinapa aron maapud ang imong mga anak, mura nag muta kagamya unya daghanon ang kan-on pero dili na kasapar sa panginahanglanon sa lawas kay inig kahapon gutumon ka,” kini ang gisaysay Rosalyn, 42 anyos taga talomo District ning dakayan sa Davao.
Ang P64 nga badget kada tawo sa pagkaon kada adlaw “imposible kayo na kay murag tag P21 kada kaon nga ang kan-on man gani sa karenirya P15, unsa may mapalit sa P6? Bisag ulo sa bulad lisod kayo paliton og tag P6”, dugang ni Rosalyn.
The post P64 ang gasto sa pagkaon matag tawo kada adlaw: NEDA appeared first on NewsLine Philippines.
P64 ang gasto sa pagkaon matag tawo kada adlaw: NEDA
Newspaper Updates PH
0 comentários :
Post a Comment