DAKBAYAN SA DAVAO, Pilipinas — Gilugwayan sa Court of Appeals (CA) ang freeze order nga giluwatan niini batok sa mga bank account ug real property nga narehistro ubos sa ngalan ni Pastor Apollo Quiboloy ug sa iyang Kingdom of Jesus Christ (KOJC) church.
Sa opisyal nga pahayag sa Anti-Money Laundering Council (AMLAC) gisaysay niini nga ang freeze order gilugwayan hangtod sa Pebrero 6, 2025.
Sa Resolusyon nga pinetsahan og 20 August 2024, gilugwayan sa Court of Appeals ang Freeze Order sulod sa 6 ka bulan.
Ang order sa korte gikompirma ni Atty. Dynah Tolentino-Fuentes kagahapon atul sa press conference. Karon buntag, Biernes, Agosto 30, gisaysay ni Attorney Israelito Torreon nga wala pa niya nabasa ang order.
Ang freeze order naglangkob usab sa media network nga Sonshine Media Network International ingon man usa ka foundation alang sa mga bata nga gidumala sa KOJC.
Gi-freeze sa CA ang Quiboloy ug KOJC bank accounts, ug mga propedad, apil niini ang mosunod:
-10 bank accounts sa BDO Unibank, Metropolitan Bank and Trust Co.
-7 pito ka propedad Davao City sa Davao del Norte, ug sa Roxas City;
-5 ka sakyanan, apil ang Toyota Land Cruiser; ug Cessna 150F.
-Ang megachurch, the Kingdom of Jesus Christ, The Name Above Every Name (KOJC):
-47 ka bank accounts sa nagkdaiyang banko,
-16 ka propedad sa nagkadaiyang syudad, ug laing 16 ka sakyanan.
Apil usab sa “Freeze Order” ang mga sakop nga buhatan sa KOJC sama sa:
-Children’s Joy Foundation nga dunay 23 bank accounts,
– usa ka property,
-4 ka sakyanan) ug SMNI (Sonshine Media Network Inc.) franchise sa Swara Sug Media Corp.
-17 bank accounts
-5ka property lakip ang usa ka building sa daplin sa EDSA,
-26 mga sakyanan
Ang resolusyon sa CA nga nagmando sa extension nga napetsahan niadtong Agosto 20. Ang orihinal nga freeze order nga napetsahan Agosto 6, 2024 balido lang sulod sa 20 ka adlaw.
Si Quiboloy, nga gikonsiderar sa gobyerno nga pugante ug nagtago-tago sukad pa niadtong Abril human ang mga korte sa Davao City ug Pasig mi-isyu og warrant of arrest batok kaniya ug sa uban pa tungod sa mga kaso sa trafficking ug abuso.
Matud sa mga abogado ni Quiboloy nga ang mga akusasyon batok kaniya gi-recycle ug gihimo sa wala matagbaw nga mga kanhi miyembro sa KOJC.
Si Quiboloy naa usab sa wanted list sa Federal Bureau of Investigation (FBI) sa Estados Unidos “tungod sa iyang giingong pag-apil sa usa ka labor trafficking scheme nga nagdala sa mga miyembro sa simbahan ngadto sa United States pinaagi sa malimbongong pagkuha og visa.”
Ang Philippine National Police (PNP) makadaghang higayon nga misulay sa paghatud sa mga warrant kang Quiboloy, apan ang mga sakop sa KOJC nag-rally batok niini nga mga pagsulay, nga nag-ingon nga ang administrasyon ni Presidente Ferdinand Marcos Jr. sa pamilyang Duterte.
The post Freeze Order sa mga propedad ni Quiboloy gilugwayan sa Court of Appeals tukob 2025 appeared first on NewsLine Philippines.
Freeze Order sa mga propedad ni Quiboloy gilugwayan sa Court of Appeals tukob 2025
Newspaper Updates PH
0 comentários :
Post a Comment