DAKBAYAN SA DAVAO, Pilipinas — Wala na modayon og lupad ang Boeing 777-300ER nga eroplano sa Phlippine Airlines nga padulong sa Los Angeles human mihiyos ang mga ligid niini samtang anaa pa sa runway niadtong Biernes sa gabii, Hulyo 5.
Ang biahe nga PR-102, wala na mipadayon og lupad samtang nagdagan sa Ninoy Aquino International Airport sa Manila, ug nakulgot ang mga pasahero tungod nasinating ”Engine Failure”.
Ang eroplano dunay karga nga 361 ka pasahero ug silang tanan luwas ug wala maunsa ug gipakanaug sa eroplano.
Sa opisyal nga pahayag sa PAL pinaagi ni Cielo Villanueva, ang tigpamaba, gipasabot niini nga ang nahitabo usa ka “Technical issue”
Sumala post Aviation Updates Philippines (AUP) ang Boeing 777-300ER, narehistro nga RP-C7777, padulong sa Los Angeles sa dihang nagpatuman kini og rejected takeoff (RTO) procedure.
Sumala sa AUP, ang datos gikan sa flight tracking website Flightradar24.com, ang aroplano nakaabot sa ground speed nga 163 knots ug kalit nga mihinay ang dagan niini.
Ang tanang 361 ka mga pasahero gipatulog sa hotel ug gi-rebook sa usa ka espesyal nga flight nga milupad alas 2:00 sa hapon Hulyo 6.
Nangayo og pasaylo ang PAL sa panghitabo.
The post PAL Jet wa modayon og lupad human mihiyos ang ligid appeared first on NewsLine Philippines.
PAL Jet wa modayon og lupad human mihiyos ang ligid
Newspaper Updates PH
0 comentários :
Post a Comment