51% sa mga Pinoy miuyon nga kinahanglan manubag si FPRRD sa EJK nga biktima sa drug war: SWS on NewsLine Philippines - Building Information Highway for the Community
DAKBAYAN SA DAVAO—- Mayorya sa mga Pilipino ang uyon nga si kanhi Presidente Rodrigo Duterte kinahanglang manubag sa extra-judicial killings nga gihimo atol sa iyang termino sa war on drugs, sumala sa pinakaulahing survey nga gihimo sa Social Weather Stations.
Ang survey nga gihimo gikan sa Pebrero 15 hangtod 19 nagpakita nga 51 porsyento sa mga Pilipino ang nagtuo nga si Duterte ang adunay tulubagon sa mga drug suspect nga gipatay sa ilawom sa iyang administrasyon, samtang 25 porsyento ang nag-ingon nga dili sila uyon.
Ang Malakanyang kaganinang buntag, Huwebes, Marso 20, nagpasalamat sa katawhang Pilipino miuyon nga si kanhi Presidente Rodrigo Duterte kinahanglang manubag sa extra-judicial killings nga gihimo atol sa iyang termino sa dugoong gubat batok sa droga.
“Natutuwa po kami sa kadaghanan sa mga taumbayan ug sumasang-ayon sa ginabuhat sa gobyerno,” si Presidential Communications Office Undersecretary Claire Castro misulti sa TeleRadyo Serbisyo.
Usa ka survey sa Social Weather Stations nga gihimo gikan sa Pebrero 15 hangtod 19 nagpakita nga 51 porsyento sa mga Pilipino ang nagtuo nga si Duterte ang adunay tulubagon sa mga suspetsado sa droga nga gipatay sa ilawom sa iyang administrasyon, samtang 25 porsyento ang nag-ingon nga dili sila uyon.
Samtang, 14 porsyento ang nagpahayag nga wala sila nakahukom samtang 10 porsyento ang nag-ingon nga wala sila kahibalo sa paghatag usa ka opinyon.
Ang surbey nangutana sa kapin sa 1800 ka respondents sa tibuok nasod alang sa ilang mga panabut. Ang survey kay gisugo sa Stratbase Group.
Bisan pa nga giisip nga kuta ni Duterte, ang SWS niingon nga ang Visayas adunay labing taas nga kasabotan sa pagpanubag sa kanhi lider sa Pilipinas sa EJKs nga 62 porsyento.
Ang Presidente sa Stratbase Group nga si Dindo Manhit miingon nga kini nga mga resulta nagpakita nga kadaghanan sa mga Pilipino gusto og tulubagon.
“Ang pagkamay-tulubagon mao ang sukaranan sa bisan unsang demokratikong katilingban. Walay lider, bisan unsa pa ang posisyon o impluwensya, kinahanglan nga labaw sa balaod. Ang pagkupot sa mga lider sa gobyerno nga adunay tulubagon dili mahitungod sa politikanhong pagpanimalos; kini mahitungod sa pagsiguro nga ang hustisya mopatigbabaw sa atong nasud, “miingon siya.
Si Duterte anaa karon sa detention center sa International Criminal Court sa The Hague sa Netherlands. Nag-atubang siya og reklamo sa crimes against humanity of murder kalabot sa giingong mga pagpamatay sa iyang dugay na nga brutal nga drug war.
Gihisgotan lang sa ICC ang mga 43 ka giingong kaso sa EJK, bisan pa nga ang mga right group niingon nga adunay mga 30,000 ka mga pagpatay ang natala.
Ang usa ka pagdungog aron pagkumpirma sa mga kaso gitakda sa Septyembre 23.
The post 51% sa mga Pinoy miuyon nga kinahanglan manubag si FPRRD sa EJK nga biktima sa drug war: SWS appeared first on NewsLine Philippines.
51% sa mga Pinoy miuyon nga kinahanglan manubag si FPRRD sa EJK nga biktima sa drug war: SWS
Newspaper Updates PH
About admin
0 comentários :
Post a Comment