DAKBAYAN SA DAVAO, Pilipinas-— Human sa usa ka hugna sa rollback, ginahangalan mangandam na usab ang mga motorista sa pagsaka sa presyo sa petrolyo karong Martes Hunyo 18.
“Atong gilauman nga motaas ang presyo sa domestic pump sa mga produktong petrolyo sa Martes sa sunod semana tungod sa mga kalamboan sa internasyonal nga merkado sa lana,” mao kini ang gibutyag ni Rodela Romero, director sa Department of Energy-Oil Industry Management Bureau Director kaniadtong Biyernes.
Ang gibanabana nga pag-adjust sa matag litro sa presyo sa bomba alang sa sunod semana mao ang mosunod:
- Gasoline – P0.60 ngadto sa P0.85
- Diesel – P1.45 ngadto sa P1.70
- Kerosene – P1.85 ngadto sa P1.90
Lakip sa gitudlong hinungdan mao ang mas taas nga global demand forecasts gikan sa EIA (Energy Information Administration) ug OPEC (Organization of Petroleum Exporting Countries) inubanan sa mga datos nga nagpakita sa mas kalit nga pag-ubos sa mga imbentaryo sa krudo sa US; walay kasiguroan sa panahon sa US Fed Reserves sa pagkunhod sa interest rate ug ang pagkunhod sa Saudi exports ngadto sa China ug potensyal nga pagpalit sa reserba sa US, dugang ni Romero.
Ang mga kompaniya sa gasolina kasagarang magpahibalo sa mga kausaban sa presyo matag Lunes, nga ipatuman sa sunod nga adlaw.
Ang kerosene, sa laing bahin, adunay year-to-date net nga pagkunhod sa P1.55 matag litro
The post Presyo sa gasolina motaas sa Martes appeared first on NewsLine Philippines.
Presyo sa gasolina motaas sa Martes
Newspaper Updates PH
0 comentários :
Post a Comment