DAKBAYAN SA DAVAO, Pilipinas— Gihimakak ni Tagum City ni Mayor Rey Uy samtang nagkatawa ang nagkatag nga mga istorya nga matud pa ilang gideklara ang Davao del Norte isip Marcos-Romualdez Country.
“Wala tay prnouncemnt gihimo,” saysay ni Uy sa Newsline.
Mikatag sa social media ang usa ka hulagway kung diin mideklara ang iyang anak nga si acting Governor De Carlo “Oyo” Uy nga balwarte na nilang Presidente Ferdinand Marcos ug House Speaker Martin Romualdez ang nahisgutang probinsya.
“Mo-ingon kay Marcos? Pahumanay na man intawon ang termino ni BBM karon 2028, di ba?,” saysay ni Uy sa Newsline.
Matud ni Uy, sayo pa kaayo aron maghisgot og politika “Let us not talk politics, first serbisyo sa.”
Sa dihang gipangutana kon asa naggikan ang istoyra, mitubag ang Mayor “ Kanang pikas nangintriga, layo pa man ang eleksyon” tubag ni Uy samtang nagkatawa.
“Galgal para ma suspend? That’s not true. Daku kaayong bakak, Who”s to blame? Nganong masuspended siya? Si Jubahib Mismo!,” saysay ni Uy sa iyang paghimakak sa mga pasangilnga apil siya sa nagpasi-ugda nga masuspenso ang gobernador.
Dugang sa Mayor “Kay because he is hard headed, dili maminaw, og legal advices, kana bitaw usahay magpaka-aron ingnon nga Gobernador ko, Mayor ko, maoy magbout it is not. Remember nga kaming public officials we are vulnerable sa mga kaso.”
Sumala ni Uy, angayang magbantay ang mga opisyal sa publiko “kay daghan ang nagtan-aw sa palibot og unsa ang among gihahimo, mga tawo, mga korporasyon. Dili na tinoud nga kami naggalgal, wala jud na sa history sa mga Uy family.”
Tambag sa Mayor kang Jubahib “Ngano dili na lang dawaton ni Jubahib nga mali jud sya, nagkamali jud sya. Mao na nga naay nag complain sa Office of the President, unya substantiated ang complain mao na nay nahitabo ang preventive suspension.”
Si Jubahib unang gitunulan sa Palasyo og 60-days preventive suspension niadtong Abril 10, 2024 ug mobalik na unta sa kapitolyo niadtong Hunyo 10. Apan, laing 30-days preventive suspension na usab ang gitunol sa Palasyo hinungdan nga wala kini nakabalik sa kapitolyo.
Niadtong 2019 midterm eleksyons, magkaalyado pa ang grupo ni Jubahib ug ang mga uy, apan nabungkag ang ilang grupo niadting 2022 presidential eleksyons kay mitabok silang Uy sa UniTeam samtang ang grupo ni Jubahib kuyog si Davao del Norte First District Congressman Pantaleon Alvarez midagan ubos sa partidong Reporma unya nakig alyado sa grupo Leni Robredo sa Liberal Party.
The post Pagbansag sa Davao del Norte nga ‘Marcos-Romualdez Country’ gihimakak ni Mayor Uy appeared first on NewsLine Philippines.
Pagbansag sa Davao del Norte nga ‘Marcos-Romualdez Country’ gihimakak ni Mayor Uy
Newspaper Updates PH
0 comentários :
Post a Comment