DAKBAYAN SA DAVAO, Pilipinas-— Determinado ang Piipinas nga padayon kining magpalig-on sa iyang depensa militar taliwala sa padayong tensyon sa West Philippines Sea (WPS), sumala ni National Security Adviser Eduardo Año.
Niadtong Biernes, namahayag ni Año nga determindao ang nasud palig-onon ang depensa niini aron makaharong sa tanang hulga sa soberenhiya.
Patas-on pa sa Pilipinas ang iyang kapasidad sa depensa aron mamahimong kining epektibo aron mapugngan ug masumpo ang tanan nga mga hulga sa kalinaw ug seguridad sa nasud, sumala ni Año.
Nahinabi si Año sa mga reporter sa usa ka aktibidad sulod sa barko sa Philippine Coast Guard nga BRP Melchora Aquino nga midunggo sa pantalan sa Manila niadtong Hunyo 28..
Sa iyang mga pamahayag, giklaro ni Año ang mga pagpanghasi ug pagsulod sa China sa kadagatan sa Pilipinas, gitutukan sa mga personahe Philippine Coast Guard kay kini ang ilang responsibilidad.
“Isip usa ka soberanong estado, atong katungdanan usab ang pagpauswag sa atong kaandam ug kapabilidad sa paghingusog sa atong mga katungod ug pagduso batok sa ilegal, mapugsanon, agresibo ug malimbongon nga mga taktika. Niining bahina, wala’y nasud nga makapugong kanato sa pagpalig-on sa atong postura sa depensa ug musulti kanatu kung unsa ang buhaton ug kung unsa ang dili buhaton sa sulod sa among Exclusive Economic Zone, ” pasabot sa Kalihim.
Wala nanginahanglan ang Pilipinas sa pagtugot sa China aron makaadto kin isa Ayungin Shoal, pagpaklaro ni Año.
Sumala ni Año ang gobierno sa Pilipinas naglaum nga masulbad ang mga isyu pinaagi sa dayalogo ug diplomasya, ingon man pinaagi sa pakigtambayayong sa internasyonal nga komunidad sa pagpatunhay sa balaud sa kadagatan.
Ang pagtukod pag-usab sa usa ka maayo nga relasyon alang sa malinawon nga dayalogo ug mga konsultasyon usa usab ka butang nga kinahanglang ipadayon sa Pilipinas, Sumala ni Año, Samtang gibalikbalik niini og saway ang nagkagrabe nga tensyon ug sa dili maayong pamatasan sa silingang nasud.
“Ipadayon natu ang usa ka malinawong solusyon alang sa kalinaw aron mapalig-on ang atong mga relasyon sa mga teritoryo nga anaa sa atong palibot,” dugang ni Año.
Sumala ni Año padayon ang paningkamot sa PIlipinas nga hangyon ang China nga irespeto ang internasyonal nga mga balaud.
Si Foreign Secretary Enrique Manalo sa sayo pa miingon nga ang Manila naglaum nga matawag ang Philippines-China Bilateral Consultation Mechanism sa South China Sea sa sayong bahin sa Hulyo “espesipiko aron hisgutan ang bag-o nga mga insidente.”
Ang duha ka mga nasud naglunsad sa consultative mekanismo sa 2017 aron sa pagpalambo sa malinawon nga pagdumala sa mga panagbangi sa South China Sea.
Si Manalo miingon nga ang gisugyot nga tigum sa Hulyo magtan-aw sa pag-establisar og “mga lakang sa pagpalig-on sa pagsalig” nga makahimo og basehan alang sa “mas seryoso nga mga diskusyon.”
The post Pilipinas padayong nagpalig-on sa iyang depensa: Año appeared first on NewsLine Philippines.
Pilipinas padayong nagpalig-on sa iyang depensa: Año
Newspaper Updates PH
0 comentários :
Post a Comment