DAKBAYAN SA DAVAO, Philipinas-— Usa ka mag-uuma nga miembro sa tribongTeduray ug ang iyang kabayo ang parehong namatay human nila naigo ang nagbitay nga high tension nga kable sa kuryente niadtong Domingo sa gabii sa hilit nga bahin sa bukid sa South Upi sa Maguindanao del Sur.
Giila sa mga tribal council sa Teduray sa probinsiya ug sa municipal police niadtong Martes sa buntag ang namatay nga si Ronald Cornelio, residente sa Ranao Badak sa South Upi, upland nga lungsod sa utlanan sa Maguindanao del Sur ug Sultan Kudarat provinces.
Ang mga personahe sa South Upi Municipal Disaster Risk Reduction and Management Office ug mga imbestigador sa lokal nga kapolisan nagbutyag sa mga tigbalita nga si Cornelio sakay sa iyang kabayo paingon pauli sa balay niadtong Domingo sa dihang nalambud ang iyang tiil sa kable sa kuryente, hinungdan sa iyang hinanaling kamatayon.
Matod sa mga nakasaksi nga si Cornelio ug ang iyang kabayo unang mi-irog og kusog sulod sa pipila ka segundos una silang duha nangaluya.
Ang buhatan ni South Upi Mayor Reynalbert Insular mitabang sa pagpalubong ni Cornelio niadtong Lunes g naghatag sa iyang pamilya og pinansyal nga tabang nga gikinahanglan alang sa tradisyonal nga mga seremonyas may kalabotan sa iyang pagkamatay.
Gihangyo usab ni Insular ang mga opisyal sa South Upi Municipal Police Station nga sugdan ang usa ka halapad nga imbestigasyon sa insidente nga miresulta sa pagkamatay ni Cornelio aron mahibal-an kung kinsa ang mahimong manubag niini.
Nagkinahanglan og pipila ka panahon alang sa mga emergency responder sa pagtangtang sa high tension cable nga maoy hinungdan sa pagkakuryente ni Cornelio samtang nagsakay sa kabayo.
The post Mag-uuma nga Teduray ug iyang kabayo patay human naigo sa kilat appeared first on NewsLine Philippines.
Mag-uuma nga Teduray ug iyang kabayo patay human naigo sa kilat
Newspaper Updates PH
0 comentários :
Post a Comment