DAKBAYAN SA DAVAO — Upat ka indibidual ang nasikop sa National Bureau of Investigation human kini naaktuhan nga namaligya og menor de edad sa mga uhaw nga parokyano didto sa San Fernando La Union niadtong milabayng semana.
Daghang menor de edad ang biktima sa sekswal nga pagpangabuso tungod sa kawad-on ug sagad kanila gikan sa kabus nga pamilya ug kini nahitabo bisan asang lugar sa Pilipinas ug sa Asya.
Sa pipila ka mga kaso, ang mga ginikanan mismo ang nagtukmod sa mga bata aron makakuarta.
Giaresto ang upat ka mga indibidual sa paglapas sa Republic Act 9208 kon Anti-Trafficking in Persons Act of 2003 nga giamendahan subay sa R.A. 10175 kon Cybercrime Law.
Sa inpormasyon nga nadawat sa NBI gikan sa Project Rescue Children Philippines Inc. (PRC) nagbutyag sa mga kalihokan sa trafficking sa usa ka indibidwal, kinsa nagtanyag sa mga batan-ong babaye alang sa mga serbisyong sekswal baylo sa bayad gikan sa Php2,500.00 – Php3,500.00.
Dugang pa nga gibutyag sa impormasyon nga ang maong indibidwal nagadawat og komisyon nga Php500.00 matag babaye ug ang mga babaye nga gitanyag anaa sa taliwala sa edad nga 14 ngadto sa 17.
Nagtanyag usab ang indibidwal og mga gidili nga substansiya sama sa dubi, marijuana ug nag-angkon nga adunay makuhaan og party drugs .
Sa usa ka operasyon niadtong Abril 30, nasikop sa upat (4) ka indibidwal ug pagluwas sa napulo (10) ka biktima sa trafficking, walo ang menor de edad base sa eksaminasyon sa ngipon sa mga biktima.
Ang mga biktima gi-turn-over ngadto sa kustodiya sa mga opisyal sa DSWD nga anaa usab atol sa operasyon.
Gipasaka na ang kaso batok sa upat didto sa City Prosecutor sa San Fernando, La Union tungod sa nahisgutang mga kalapasan.
The post 4 naaresto, 10 ka batan-on naluwas sa NBI gikan nagbaligya kanila sa serbisyo sekswak appeared first on NewsLine Philippines.
4 naaresto, 10 ka batan-on naluwas sa NBI gikan nagbaligya kanila sa serbisyo sekswak
Newspaper Updates PH
0 comentários :
Post a Comment