2 patay, 3 angol sa pagpamusil sa Cotabato on NewsLine Philippines - Building Information Highway for the Community
DAKBAYAN SA DAVAO — Duha ka Moro ang namatay ug tulo ang samdan sa managlahi nga pagpamusil sa munisipyo sa Pikit, Cotabato sulod sa duha ka adlaw.
Unang namatay sa tulo ka pag-pangatake giila nga si Bayan Pangulagoy, kinsa napatay sa ambus niadtong Sabado sa hapon, Pebrero 8, sa Barangay Punol, Pikit, Cotabato.
Sumala sa kapulisan sa Cotabato Provincial Police Office kaganina, Pebrero 10, si Pangulagoy ug ang iyang ig-agaw nga si Mohaimen Pangulagoy, nagsakay og motorsiklo dihang gibasnigan og usa ka lalaki nga armado og M16 assault rifle.
Namatay diha-diha si Pangulagoy tungod sa mga samad sa bala nga naangkon sa pag-atake, diin samaran usab ang iyang paryente.
Samtang laing biktima sa pagpamusil ang giilang nga si Johari Santi, ang namatay sa dihang gipabuthan sa mga armadong lalaki ang ilang balay sa Barangay Dalingaoen, Pikit, mga tungang gabii niadtong Sabado Pebrero 8.
Sumala ni Col. Gilbert Tuzon, ang director sa Cotabato provincial police, nasamdan usab sa nahisgutang pagpangataki ang asawa ni Santi.
Sa laing panghitabo, kritikal si Ustadz Hashim Suboh, usa ka Muslim nga magwawali, human kini gi-ambush niadtong Domingo sa buntag sa Barangay Salunayan, Midsayap, Cotabato.
Si Suboh usa ka Islamic theologian nga nagsangyaw sa mga komunidad sa Moro sa Barangay Tumbras, Kadayangan, usa ka bag-ong natukod nga lungsod sa Bangsamoro nga naglangkob sa mga barangay nga orihinal nga bahin sa Midsayap local government unit sa Cotabato.
Sumala sa kapulisan sa Midsayap Municipal Police Station, si Suboh, taga Barangay Tumbras, sakay sa iyang motorsiklo paingon sa usa ka dapit dihang gipusil siya sa mga tawo nga nag-atang daplin sa karsada gamit ang kalibre .45 nga pistola ug daling misibat.
Daling gidala sa mga pulis ug sa mga barangay opisyal si Suboh sa balay tambalanan.
The post 2 patay, 3 angol sa pagpamusil sa Cotabato appeared first on NewsLine Philippines.
2 patay, 3 angol sa pagpamusil sa Cotabato
Newspaper Updates PH
0 comentários :
Post a Comment