2 ka turista sa Sri Lanka namatay tungod sa pagkahilo sa pag-ispri sa dugho giimbistigahan on NewsLine Philippines - Building Information Highway for the Community
DAKBAYAN SA DAVAO — Usa ka Briton ug usa ka German ang namatay human ang ilang mga lawak sa hostel sa Colombo gipa-isprihan tungod sa mga dugho ug uban pang mga dangan.
Sumala sa taho sa kapulisan sa Sri Lankan niadtong Sabado, Pebrero 8, 2025, nga ilang giimbestigahan ang kamatayon sa pagduda nga nahilo kin isa pestesidyp nga giispri sa ilang lawak sulod sa hostel.
Ang mga turista, parehong babaye, usa ka 24-anyos nga Briton ug usa ka 26-anyos nga German, nadiskubrehan nga nasakit sa ilang mga kwarto sa hostel sa kaulohan sa Colombo.
Ang Briton, kansang pamilya ginganlag Ebony McIntosh, namatay sa ospital kaniadtong Pebrero 2, sa samang adlaw nga siya miabot sa hostel.
Si McIntosh, 24 anyos, usa ka digital marketing and social media manager sa syudad sa Derby sa Englatera. mipuyo sa Miracle Colombo City hostel, apan nasayran nga nag-ispri ang hotel tungod sa kuting ug uban pang dangan.
Ang babaye nga Aleman namatay kaniadtong Pebrero 3, giingon sa pulisya.
Usa ka Aleman nga lalaki ang nagpatambal pa sa ospital.
Matod sa kapulisan nga gihimo na ang mga pagsulay aron masuta kung ang mga nangamatay tungod ba sa pagkahilo tungod sa pag-ispri sa lawak.
Gi-report sa media sa Sri Lankan nga ang hostel gi-isprihan tungod sa mga dugho ug uban pang mga peste mga adlaw kaniadto, ug giingon nga ang hostel gisirhan sa pulisya.
Ang pamilya ni McIntosh naglansad sa usa ka online fundraising page aron madala ang iyang lawas sa balay, nga naghulagway kung giunsa siya ug ang uban pa sa hostel “gidala sa ospital aron matambalan tungod sa pagsuka, kasukaon ug sa kaso ni Ebony, kalisud sa pagginhawa”.
“Ang asukod sa pulong ang among pagkahugno tungod sa kamatayon sa among anak” mao kini ang saysay sa pamilya. “Gusto namo nga madala siya sa among balay nga luwas aron makapahulay. Kinahanglan namong bantayan ang among angel,” saysay sa nagbangutan nga pamilya.
The post 2 ka turista sa Sri Lanka namatay tungod sa pagkahilo sa pag-ispri sa dugho giimbistigahan appeared first on NewsLine Philippines.
2 ka turista sa Sri Lanka namatay tungod sa pagkahilo sa pag-ispri sa dugho giimbistigahan
Newspaper Updates PH
0 comentários :
Post a Comment