Moadto kas Japan? 2 ka bulan una ka mobiahe pag-aplay nag visa on NewsLine Philippines - Building Information Highway for the Community
Photo Courtesy: Visit Japan Philippines FB)
DAKBAYAN SA DAVAO—Sa mga nagplano nga mobakasyon sa nasud sa Japan, gikinahanglan nga mag-aplay kag tourist visa 2 ka bulan una kini mobiyahe. Kini angpahayag sa Japanese Embassy niadtong Enero 13.
Ang bag-ong tambag gipagawas taliwala sa nagkataas nga ihap sa mga turista nga mobakasyon sa nahisgutang nasud.
Ang embahada nag-ingon nga nga ang mag-aplay alang sa Temporary Visitor Visa alang sa pagpabilin sulod sa labing taas nga 90 ka adlaw ug Multiple Entry Visa alang sa Temporary Visitors.
Matud sa embahada, Kini, tungod sa paspas nga pagsaka sa ihap sa mga bisita gikan sa Pilipinas, ug sa proseso sa pagsusi sa mga aplikasyon sa visa alang sa mga katuyoan sa turismo mahimong molungtad ug pipila ka semana nga mas taas kaysa sa sagad nga oras sa pagproseso. petsa sa pagbiyahe.
Ang umaabot nga cherry blossom o sakura season sa bulan sa Marso hangtud sa Abril, gilauman nga makadani sa daghang mga turistang Pilipino.
Ang Japan National Tourism Organization (JNTO) nagbutyag nga nga kapin sa 710,000 ka mga Pilipino ang mibisita sa Japan gikan sa Enero hangtod Nobyembre 2024 – 30.7% nga pagtaas gikan sa parehas nga panahon sa 2023.
Si Japanese Ambassador to Manila Endo Kazuya miingon, nga niadtong Nobyembre 2024 lamang, usa ka record-breaking nga 87,100 ka mga Filipino nga turista ang mibisita sa Japan, nga 37% nga pagtaas gikan sa 2023.
“Kini nagtimaan sa labing taas nga rate sa pagtubo sa mga turista gikan sa usa ka nasud sa ASEAN sa kini nga yugto sa panahon. Nanghinaut nga ang atong mga higala nga Pilipino nalingaw sa ilang pagpabilin,” saysay ni Endo sa X sa miaging bulan.
Ang Pilipinas mao ang ikawalong kinadak-ang tinubdan sa mga turista sa Japan sunod sa Estados Unidos, South Korea, China, Australia, Taiwan, Hong Kong, ug Thailand, matod sa JNTO.
The post Moadto kas Japan? 2 ka bulan una ka mobiahe pag-aplay nag visa appeared first on NewsLine Philippines.
Moadto kas Japan? 2 ka bulan una ka mobiahe pag-aplay nag visa
Newspaper Updates PH
0 comentários :
Post a Comment