3,962 ang mipasar sa 2024 Bar exams on NewsLine Philippines - Building Information Highway for the Community
Nagtapok ang mga mikuha og Bar Examinations sa gawas sa Korte Supreme aron sutaon kung nakapasar ba sila.
DAKBAYAN SA DAVAO –— Mikabat sa 3,962 ka mga examinees ang nakapasar sa 2024 Bar Examinations, kini ang gianunsyo sa Supreme Court’s (SC) Office of the Bar Chair niadtong Biyernes, Disyembre 13.
Nagpasabot kini nga ang passing rate 37.84%, mas taas sa passing rate kumpara niadtong 2023 nga adunay 36.77%.
Nagkahiusa ang Korte Suprema (SC) en banc sa pagsagop sa grado nga 74 isip passing rate karong tuiga.
Si 2024 Bar chairperson Associate Justice Mario Lopez, kinsa moretiro na sunod tuig, mipahibalo sa resulta human sa special en banc session sa SC.
Si Kyle Christian Tutor sa University of the Philippines ang nag-una sa eksaminasyon nga adunay grado nga 85.77%.
Samtang si Atty. ππ§π§π¬. ππ’ππ π¦. π ππππππ‘π, nga migraduar sa University of Mindanao Davao Campus, anaa sa ika-walo sa top ten sa mga nakapasar ug nakakuha sa passing average nga 83.7450%.
Sama sa nangaging mga tuig, ang lista sa malampuson nga mga bar passers gipagawas pinaagi sa usa ka dako nga screen nga gitaod sa nataran sa Supre Court, samtang ang mga malaumon ug ilang mga minahal naghulat sa gipaabut nga mga gates.
Ang listahan sa mga nakapasar gi-upload usab sa SC website ug sa social media pages sa High Court (X, Facebook, ug Instagram).
Ang mga malampusong examinees moapil sa oath-taking ceremony ug pagpirma sa Roll of Attorneys sa Enero 24, 2025.
Liboan ka mga gustong mahimong abogado ang mikuha sa pasulit niadtong Septiyembre 8, 11, ug 15. Daghang mga institusyong pang-edukasyon sa Luzon, Visayas, ug Mindanao ang nagsilbing testing centers, diin ang San Beda College Alabang nagsilbi nga Bar headquarters karong tuiga.
Ang mga eksaminasyon gi-digitize ug gi-rehiyunal usab aron matubag ang nagbag-o nga talan-awon sa legal nga edukasyon ug propesyon. Ang mga bag examinations milangkob sa daghang mga hilisgutan, lakip ang politikal ug publiko nga internasyonal nga balaod, balaod sa kriminal, balaod sa komersyo ug buhis.
The post 3,962 ang mipasar sa 2024 Bar exams appeared first on NewsLine Philippines.
3,962 ang mipasar sa 2024 Bar exams
Newspaper Updates PH
0 comentΓ‘rios :
Post a Comment