Teodoro ug Brawner mibisita sa EDCA site sa Cagayan de Oro on NewsLine Philippines - Building Information Highway for the Community
DAKBAYAN SA DAVAO — Gibisita ni Defense Secretary Gilberto Teodoro Jr. ug Armed Forces of the Philippines (AFP) Chief of Staff General Romeo Brawner Jr. ang lugar sa Lumbia Air base sa Cagayan de Oro City niadtong Sabado sa giplanong pagtugod sa Enhanced Defense Cooperation Agreement (EDCA).
Ang mga opisyal, gikuyugan sa miembro sa media, ug ilang gilibot ang air base, kung diin tukuron ang mga pasilidad sama sa air traffic control tower ug usa ka Humanitarian Assistance and Disaster Response (HADR).
Matud ni Teodoro ang nahisgutang lugar, mahimong base alang sa Northern Mindanao disaster relief operations. Ug duna kini runway, ug napalapdan na kini aron didto ibutang nga mga relief goods panahon sa kalamidad.
Ang Lumbia Air Base maoy usa sa lima ka EDCA sites nga gitudlo aron sa pagpalambo sa disaster response ug defense capabilities. Ang mga proyekto gipondohan sa Estados Unidos ubos sa sakup sa Mutual Defense Treaty.
Ang kasabutan nagtugot sa U.S. aron pondohan ang pagtukod sa mga pasilidad nga gikasabutan sa duha ka nasud.
Gipasiugda ni Teodoro ang papel sa EDCA site sa pagpalambo sa kaandam sa kalamidad sa nasod: “Atong paspasan ang pag-uswag dinhi tungod kay ang 15th Strike Wing kinahanglang mobalhin dinhi. Mao kini ang pinuy-anan sa 15th Strike Wing. Mahimong maintenance base sa 15th Strike Wing, mahimong training base sa 15th Strike Wing. Ug dinhi ibutang ang ilang mga kabtangan.”
Matud ni Colonel Xerxes Trinidad, hepe sa AFP Public Affairs Office, ang lugar nahimutang sa usa ka luna nga pabor sa tanan labi na sa relief mission.
“Una sa tanan, ang estratehikong lokasyon, doul kini sa sentro. Ang connectivity niini sa lain-laing mga lugar dinhi sa Mindanao ug sa samang higayon duol kini sa port area diin matukod ang laing base sa dagat,” matud ni Trinidad,
Gibisita usab sa mga opisyal ang monolithic dome sa Office of Civil Defense, nga gikatakdang mahimong joint command center alang sa Eastern Mindanao Command ug Philippine Air Force.
Ang EDCA site sa Lumbia Air Base andam nga mahimong importanteng puedto alang sa humanitarian ug military operations sa Northern Mindanao, nga nagpauswag sa kapasidad sa nasud sa pagtubag sa mga emerhensya ug pagpalig-on sa nasudnong seguridad.
The post Teodoro ug Brawner mibisita sa EDCA site sa Cagayan de Oro appeared first on NewsLine Philippines.
Teodoro ug Brawner mibisita sa EDCA site sa Cagayan de Oro
Newspaper Updates PH
0 comentários :
Post a Comment