Mga grupo ni VP Sara nanawagan og suporta alan sa rally karong adlawa on NewsLine Philippines - Building Information Highway for the Community
DAKBAYAN SA DAVAO —Nanawagan na og suporta ang mga grupo ni Bise Presidente Sara Duterte ug gi awhag ang katawhan nga magsout og itom alang sa usa ka luksang bayan isip lakang aron pakganggon ang mga hinimouan sa administrasyon.
Kini human sa kagubot kanihang kaadlawaon sa dihang ibalhin kang Atty. Zulieka Lopez, ang chief of Staff sa buhatan sa Bise Presidente didto sa Women’s Correctional nga gibabagan ni Duterte.
Gibalhin unta si Lopez sa Women’s Correctional tungod sa “Anxiety Attack” apan, nakadesisyon nga ibalhin kin isa Philippine Veterans Hospital, butang nga gibabagan sa Bise Presidente ug gani iyang gi-insister nga dalahon si Lopez sa St. Lukes Hospital kay matud ni Duterte mao kini ang desisyon base sa tugon sa inahan ni Lopez.
Karong mga taknaa gidala na og balik sa Philippine Veterans Hospital si Lopez.
Hugot ang seguridad sa Philippine Veterans Hospital karong mga taknaa, butang nga gireklamo sa Bise Presidente.
Nakarecover na si Lopez.
Si Lopez gibutang sa detention facility sa Kongreso human kini gi “Contempt” atul sa Congressional hearing niadtong Huebes.
Ang Bise Presidente nagpabilin sa kiliran ni Lopez samtang anaa kini sa pasilidad, ug kay bawal man siya sa kuarto ni Lopez, didto kini natulog sa buhatan sa iyangmagulang nga si Davao City First District Representative Paolo Duterte.
Sa usa ka virtual press briefing kaganihang kaaadlawon, gipasidan-an ni Duterte ang Presidente, ang Unang Ginang, ug si Speaker Martin Romualdez nga kung siya mapatay, silang tulo patyon usab, ug matud sa Bise Presidente wala siya nagbinuang sa iyang giluatan.
Hinoun wala nganli sa Bise Presidente ang tawo nga iyang gisugo mga mopatay sa kang Presidente Marcos, iyang asawa ug kang Speaker Romualdez , sa higayon nga siya (Duterte) patyon.
Giangkon ni Duterte nga gusto siyang ipapatay ni Romualdez. Si Duterte ug Romualdez dugay nang dunay away, kini human gisukit-sukit sa Kongreso ang gipangayo nga confidential funds sa Office of the Vice President alang sa tuig 2024.
The post Mga grupo ni VP Sara nanawagan og suporta alan sa rally karong adlawa appeared first on NewsLine Philippines.
Mga grupo ni VP Sara nanawagan og suporta alan sa rally karong adlawa
Newspaper Updates PH
0 comentários :
Post a Comment