DAKBAYAN SA DAVAO –— Mahinungdanon gihapon ang pagsaulog sa anibersaryo sa EDSA People Power karong tuiga, sumala ni Francis Aquino-Dee, apo ni kanhi president Corazon Aquino ug ni Senador Ninoy Aquino, ug deputy executive director sa Ninoy and Cory Aquino Foundation (NCAF).
Ugma, Pebrero 25, isaulog ang ika-38 nga anibersaryo sa malinawon nga pag-alsa sa katawhang Pilipino niadtong tuig 1986.
Apan, Karong tuiga, wala na gideklara nga pista opisyal ang anibersaryo sa Edsa. Kini human mipagawas ang Malacañang og Proclamation 368, Series of 2023 niadtong Oktobre 11, 2023.
Niadtong milabayng katuigan kanunayng gideklarang pista opisyal ang anibersaryo sa EDSA.
Sumala ni Dee, “Ipabati namo ang among tingog: Kinahanglang hinumdoman ang EDSA.”
Gusto sa NCAF nga “simple” lang ang paghandum karong tuiga, apan nausab ang mga plano human migawas ang termino nga “EDSA-puwera” kalakip sa kampanya sa telebisyon nga nagduso sa pag-usab sa mga probisyon sa 1987 Constitution pinaagi sa people’s initiative.
Ang “EDSA-puwera” usa ka termino nga gigamit ug nahimong kataw-anan kay kini nagsimbolo sa mga sektor sa katilingban nga wala maapil sa pag-uswag human sa EDSA People Power revolution nga nagpalagpot ni kanhi Presidente ug kanhi diktador Ferdinand Marcos Sr.
Sumala ni Dee sa dihang una nilang nadungog ang “EDSA-Puwera” sa usa ka telebisyon advertisement, nadismaya sila, apan mao man hinuon kini ang nakahatag og interes sa katawhan nga hisgutan ang selebrasyon sa EDSA.
Ang sitwasyon nakahatag sa grupo og dakung oportunidad nga hisgutan nga undangon na ang pag-usik-usik sa oras kuarta sa Charter Change, ug atol sa aktibidad dili sila manawagan nga pakanaugon ang presidente o bisan unsa.
Lakip sa mga aktibidad nga magtimaan sa ika-38 nga anibersaryo sa EDSA ugma mao ang mga fun run ug bike rides sa Makati ugma sa buntag, Pebrero 25.
The post Paghinumdum sa EDSA People Power mahinungdanon gihapon appeared first on NewsLine Philippines.
Paghinumdum sa EDSA People Power mahinungdanon gihapon
Newspaper Updates PH
0 comentários :
Post a Comment